Մենք տրամադրում ենք վկայագրված տեխնիկական աջակցություն՝ ախտորոշման և հավաքման սարքավորումների ամբողջ կյանքի ցիկլի ընթացքում։ Մեր ինժեներական թիմը միակն է Հայաստանում, որը վերապատրաստվել և լիազորվել է GRIFOLS և TERUMO BCT ընկերությունների կողմից։ Սա մեզ հնարավորություն է տալիս իրականացնել պաշտոնական տեղադրում, կարգավորում և երկարաժամկետ սպասարկում՝ միջազգային ստանդարտներին համապատասխան։
Մենք օգնում ենք արյան կենտրոններին և լաբորատորիաներին ապահովել համակարգերի անխափան աշխատանքը՝ նվազեցնելով ռիսկերը, կանխելով աշխատանքի ընդհատումները և պահպանելով բժշկական կարևոր գործընթացների շարունակականությունը։ Արագ ախտորոշման, բնօրինակ պահեստամասերի և լիարժեք համապատասխանության շնորհիվ մեր սպասարկումը ոչ միայն հուսալի է, այլ կենսական՝ օպերացիոն կայունության համար։
Մեր վերապատրաստման և վկայագրման ծրագրերը մշակվել են՝ ձեր կլինիկական և լաբորատոր թիմերի համար, որպեսզի նրանք վստահորեն օգտագործեն GRIFOLS և TERUMO BCT համակարգերը։ Դասընթացներն անցկացվում են վկայագրված և փորձառու մասնագետների կողմից, հարմարեցվում են ձեր թիմի հմտություններին և աշխատանքի պայմաններին։
Ոսուցումը ներառում է սարքավորումների անվտանգ օգտագործումը, ախտորոշման ընթացակարգերը, կանխարգելիչ միջոցառումները և խափանումների վերացման հիմունքները՝ ապահովելով, որ ձեր անձնակազմը ցանկացած իրավիճակում կարողանա գործել արագ և ճշգրիտ:
Շարունակական աջակցությունը և գործնական գիտելիքները հնարավորություն են տալիս ոչ թե միայն սարքավորում ունենալ, այլև օգտագործել դրա ողջ պոտենցիալը։
Վկայագրված սպառվող նյութերն ու բնօրինակ պահեստամասերը կարևոր նշանակություն ունեն արյան ախտորոշման և հավաքման համակարգերի երկարաժամկետ հուսալիության համար։ Որպես GRIFOLS և TERUMO BCT ընկերությունների պաշտոնական դիստրիբյուտոր՝ մենք ապահովում ենք ուղղակի հասանելիություն ռեագենտներին, հավաքածուներին, ֆիլտրերին, խողովակներին և այլ անհրաժեշտ նյութերին, որոնք ամբողջությամբ համապատասխանում են միջազգային ստանդարտներին։
Մեր օպտիմալացված մատակարարման շղթան ապահովում է արագություն և հետագծելիություն, որպեսզի ձեր լաբորատորիան կամ արյան կենտրոնը մշտապես ստանա անհրաժեշտ նյութերը՝ ժամանակին և վստահությամբ։ Թե՛ պարբերական մատակարարումների, թե՛ անհետաձգելի փոխարինումների դեպքում մենք ապահովում ենք ձեր աշխատանքի շարունակականությունը։